Astanada kólikti joǵary jyldamdyqta mánerlep júrgizýden QR chempıonaty ótedi
ASTANA. 3 maýsym. QazAqparat /Gúlmıra Álıakparova/ - 5 maýsym kúni Astanada kólikti joǵary jyldamdyqta mánerlep júrgizý boıynsha Qazaqstan chempıonatynyń birinshi kezeńi ótedi.
Chempıonatty Halyqaralyq balalar merekesine oraılastyryp «QazMunaıGaz Ónimderi» aktsıonerlik qoǵamy uıymdastyryp otyr. Oǵan QR Avtomotosport federatsııasy qolǵabys etýde. Jarystar «Astana-Petropavl» avtojolynyń 7-shi shaqyrymynda ornalasqan jol boıy servısi kesheniniń aýmaǵynda (Óndiris kóshesi, 107/1) ótedi.
Jarystar eki sanat boıynsha ótedi: mono-jetekte jáne tolyq jetekte. Saıys sharty boıynsha, eki kólik ártúrli músinder qoıylǵan qıyn trassaǵa bir mezgilde shyǵyp, ekeýi eki baǵytqa qozǵalady. Bir-birin ozyp ketýge tyrysyp, tolyq sheńber jasap shyǵady.
Uıymdastyrýshylardyń aıtýynsha, trassada kez kelgen júrgizýshi baǵyn synap kóre alady.
Іs-sharaǵa qatysýǵa «Kámeletke tolmaǵandarǵa arnalǵan jetimhana» memlekettik mekemesiniń jáne Q.Muńaıtpasov atyndaǵy Sportta daryndy balalarǵa arnalǵan respýblıkalyq mektep-ınternattyń tárbıelenýshileri shaqyrylyp otyr.
