Astanada kólikti zańsyz paıdalanýdy anyqtaý boıynsha «Tranzıt» jedel aldyn alý sharasy ótip jatyr
ASTANA. QazAqparat - Astanada 26 aqpannan QR aýmaǵyna zańsyz ákelingen jáne basqa memleketterde tirkelgen kólik quraldaryn zańsyz paıdalaný faktileriniń jolyn qııý maqsatynda «Tranzıt» jedel aldyn alý is-sharasy ótip jatyr.
Bul týraly astana.kz saıtyna Astana qalasynyń ІІD Ákimshilik polıtsııa departamentinen habarlady.
Eki kúnniń qorytyndysy boıynsha jol-patrýldik polıtsııa qyzmetkerleri Qazaqstan Respýblıkasynyń keden zańnamasyn buzýdyń 13 faktisin tirkep, Qyrǵyzstan Respýblıkasynyń avtomobılderi ýaqytsha saqtaý turaǵyna qoıyldy, sondaı-aq 2,5 myńnan astam JQE buzý oqıǵasy anyqtaldy.
«Jol-patrýldik polıtsııanyń qyzmetkerleri 2,5 myńnan astam jol qozǵalysy erejelerin buzý jaǵdaıyn tirkedi. Sonyń ishinde 257 júrgizýshi kólikti qaýipsizdik beldigin taqpaı basqarǵany úshin ákimshilik jaýapkershilikke tartyldy»,- dep habarlady vedomstvonyń baspasóz qyzmetinen.
Sonymen qatar, kólikti basqarý kezinde uıaly telefondy paıdalanýdyń 200, belgilengen jyldamdyqty arttyrýdyń 90, jaıaý júrginshilerge jol bermeýdiń 70, qarsy jolǵa shyǵyp ketýdiń 28 jáne kólikti mas kúıinde basqarýdyń 11 faktisi tirkeldi. Munymen qosa, shetel júrgizýshileriniń kóshi-qon zańnamasyn buzýdyń 20 jaǵdaıy anyqtaldy, 1 shetel azamaty Qazaqstan Respýblıkasynyń aýmaǵynan alastatyldy.
Vedomstvonyń habarlaýynsha, is-sharaǵa elordanyń jol-patrýldik polıtsııanyń 500-den astam qyzmetkeri jáne keden qyzmetkerleri tartyldy.
Aıta keteıik, «Tranzıt» jedel aldyn alý is-sharasy 2 naýryzǵa deıin jalǵasady.
