Astanada kólikti ıemdený maqsatymen «Toıota Lend Krýzer» ıesin óltirgen úsh kúdikti ustaldy
ASTANA. Sáýirdiń 6-sy. QazAqparat /Jasulan Amanbaıuly/ - Astanada áıeldi óltirip, «Toıota Lend Krýzer» kóligin ıemdenip ketken úsh kúdikti ustaldy.
Bul týraly búgin brıfıngte Astana qalalyq Іshki ister departamentiniń Tergeý basqarmasynyń bastyǵy Ǵumar Shynybekov málim etti, dep habarlaıdy QazAqparat.
Qarashanyń 13-i kúni Astana-Kókshetaý tas jolynda elorda turǵyny, 40 jastaǵy áıel adamnyń máıiti tabylǵan bolatyn. Keıin anyqtalǵanyndaı, budan bir kún buryn, qarashanyń 12-de ol óziniń kúmis tústi «Toıota Lend Krýzer» avtokóligine minip, úıinen shyǵyp ketken. Sodan beri odan habar bolmaǵan.
«Qazirgi ýaqytta polıtseıler kólikti ıemdený maqsatynda kisi óltirýge barǵan úsh kúdiktini quryqtady. Tergeý amaldary júrgizilýde», deıdi Ǵ. Shynybekov.
