Astanada kólik júrgizgen kishkentaı balanyń ákesine 172 myń teńge aıyppul salyndy
ASTANA. QazAqparat - Astanada kámelet jasyna tolmaǵan balasyn kóliktiń rýline otyrǵyzǵan turǵynǵa aıyppul salyndy, dep habarlaıdy QazAqparat polıtsııaǵa silteme jasap.
Áleýmettik jelide jas balanyń kólik júrgizip kele jatyp basqa kólikti qaǵa jazdaǵan vıdeosy tarady.
Osy fakti boıynsha polıtseıler 45 jastaǵy kólik ıesin anyqtady.
Ol QR ÁQBtK 612-babynyń 5-bóligi (qujaty joq jáne basqarý quqyǵy joq adamnyń kólik quralyn basqarýy) boıynsha ákimshilik jaýapkershilikke tartyldy.
Astana turǵynyna 50 AEK mólsherinde aıyppul salyndy.
Sondaı-aq, bala tárbıeleý jónindegi mindetterin tıisinshe oryndamaǵany úshin QR ÁQBtK 127-baby 1-bóligi boıynsha jaýapqa tartyldy.
Foto: t.me/POLICE_of_KZ
