Astanada kólik urysy polıtseıdi pyshaqtady
ASTANA. QazAqparat - Astanada kólik urlady dep kúdiktelgen azamatty ustaý barysynda polıtsııa qyzmetkeri pyshaqtaldy, dep habarlaıdy QazAqparat ІІD baspasóz qyzmetine silteme jasap.
15 qyrkúıek kúni Saryarqa aýdandyq ІІB-niń krımınaldyq polıtsııa qyzmetkeri Kúmisbekov kóshesindegi úıdiń aýlasynda turǵan kólik mańaıynan kúdikti eki adamdy baıqaǵan. Olar polıtseıdi baıqap, qashyp ketpek bolǵan. Alaıda tártip saqshysy olardyń birin ustap alǵan. Ustaý barysynda polıtseıge qarsylyq bildirip, ıyǵyna pyshaq salǵan. Alaıda aǵa leıtenant Nurlan Tileýhan jaraqatyna qaramastan, urynyń qolyna kisen taǵady. Oqıǵa ornynan izin sýytqan ekinshi kúdikti kórshi aýlada qolǵa tústi.
Anyqtalǵandaı, kúdiktiler turaqta turǵan kóliktiń qulpyn buzyp, onyń ishindegi jeke zattardy urlamaq bolǵan. Fakti boıynsha QR QK 188-baby («Urlyq jasaý») boıynsha sotqa deıingi tergeý jumystary júrgizilip jatyr.
Budan bólek, 18 jastaǵy Qaraǵandy oblysynyń turǵynyna qatysty QR QK 380-baby («Bılik ókiline kúsh kórsetý») boıynsha sotqa deıingi tergeý amaldary bastaldy. Ustalýshylar Astana ІІD ýaqytsha ustaý oqshaýlaǵyshyna qamaldy.
Zardap shekken polıtseı medıtsınalyq mekemege jiberildi. Qazir ambýlatorlyq em alýda.
