Astanada kólik urylary ustaldy
ASTANA. QazAqparat - Elordada polıtsııa qyzmetkerleri kólik urylaryn qolǵa túsirdi, dep habarlaıdy QazAqparat tilshisi.
«Jedel aldyn alý sharalary barysynda esepke qoıý derekterin tekserý úshin 150-den astam adam jetkizildi. Akkýmýlıator urlaýmen aınalysqan top, 2 avtomobıl urlaý kúdigine ilikken eki adam ustaldy. Sondaı-aq birqatar ákimshilik quqyq buzýshylyq anyqtaldy», - dep habarlady Astana qalalyq ishki ister departamentiniń baspasóz qyzmetinen.
Qalalyq departament baspasóz hatshysynyń túsindirýinshe, avtokólik bólshekterin urlaýmen aınalysý kúdigine ilikkender «Satyp alý» jedel aldyn alý sharasy nátıjesinde qolǵa túsken.
«Bamper, dóńgelek, akkýmýlıator, avtomagnıtola sııaqty 500-den astam ataýly bólshekter tárkilendi. Saýda núkteleriniń birinen 20 akkýmýlıator tárkilenip, olardyń bir bóligi urlanǵan dúnıe retinde tanyldy», - dedi ol.
Buǵan deıin elordanyń eki iri avtomobıl bazary «Kóktal» men «Tıtanda» polıtsııa qyzmetkerleri jedel aldyn alý sharasyn bastaǵany habarlanǵan edi.
