Astanada kólik urlaýshylar bandasy ustaldy
ASTANA. QazAqparat - Astanada avtokólik urlyǵymen aınalysqan qylmystyq top ustaldy, dep habarlaıdy QazAqparat elordalyq ІІD baspasóz qyzmetine silteme jasap.
Polıtsııanyń habarlaýynsha, Astana turǵyndary bolyp tabylatyn 20-27 jas aralyǵyndaǵy kúdiktiler buǵan deıin de atalǵan qylmys úshin isti bolǵan.
Olar «VAZ» jáne «GAZ» markaly kólikterin urlaýdy kásip etken. Kúndiz mashınalardyń sıgnal júıesin tekserip, keshki ýaqytta aıdap áketetin bolǵan. Urlanǵan kólikterdi kúdiktilerdiń biriniń jeke úıi aýmaǵynda bólshektegen jáne qosalqy bólshekterdi avtobazarlar men TQKS arqyly satyp otyrǵan.
Qazirgi ýaqytta kúdiktiler Astana q. ІІD ýaqytsha ustaý oqshaýlaǵyshyna qamaldy. Sotqa deıingi tergeý men buryn jasalǵan urlyq jáne tonaý qylmystaryna qatystary bar-joǵyn tekserý jumystary júrip jatyr.
