Astanada kólik urlaýshylar aldaı otyryp kezdeısoq adamdardyń kómegine júgingen
ASTANA. QazAqparat - Astanada eki er adam avtokólikti urlap, jol apatyna urynǵan. Urlyq jasar aldynda olar kezdeısoq adamdardan kómek suraǵan, dep habarlaıdy QazAqparat Astana qalalyq sotynyń saıtyna silteme jasaı otyryp.
«2017 jyly maýsym aıynda M. elorda kósheleriniń birinde «S» JShS-na tıesili «KIA TOPIC» markaly avtokóligin kóredi. M. qasyndaǵy R.-ǵa óziniń qylmystyq nıeti týraly habardar etpesten, bótenniń múlkin jymqyrý maqsatynda jolaýshy jaqtaǵy sál ashyq turǵan terezeden qolyn tyǵyp, esikti ashqan. Esikti ashqan ol óziniń mas ekenin alǵa tartyp, R.-ǵa rólge otyrýyn suraǵan», - delingen habarlamada.
Jaǵdaıdy tolyq túsinbegen R. kóliktiń róline otyryp, kólikti symdardy jalǵaý arqyly júrgizbek bolǵan, biraq ol áreketi iske aspady.
Avtokólik ishinde M. jáne R. spırttik ishimdik iship, ózge adamdarǵa kólikti ıterip jiberýlerin ótingen.
Eki jigit urlanǵan mashınamen basqa kólikti soqqan jáne pen soqqan, sosyn oqıǵa bolǵan jerden boı tasalaǵan.
Saryarqa aýdandyq №2 sotynyń úkimimen sottalýshy M. kináli dep tanylyp, 6 aıǵa bas bostandyǵynan aıyrý jazasy taǵaıyndaldy.
Úkim zańdy kúshine engen joq.
