Astanada kólik urlaýmen aınalysyp kelgen pavlodarlyq azamat qylmys ústinde qolǵa tústi
ASTANA. 7 aqpan. QazAqparat - Astanalyq tártip saqshylary «Barsetka» jedel-saýyqtyrý sharasynyń barysynda «Gúljan» saýda ortalyǵynyń janynan 1984 jyly týǵan Pavlodar oblysynyń turǵynyn ustady.
Astana qalalyq Іshki ister departamentiniń baspasóz qyzmeti taratqan málimetterge qaraǵanda, ustalǵan azamat tártip saqshylarynyń nazaryna birden ilikken. Ol jol jıeginde turǵan kólikterdiń ishindegi zattarǵa suqtana qarap júrgen. Aqyrynda, kólikterdiń birin ashyp, ishindegi zattardy urlamaq bolǵan jerinen qolǵa tústi. Tekserý barysynda onyń ustalǵanǵa deıin «Toıota Prado» kóliginen barsetka urlap úlgergendigi anyqtaldy. Osyǵan baılanysty atalmysh azamattyń ústinen qylmystyq is qozǵalyp, onyń qala aýmaǵynda jasalǵan ózge de qylmystarǵa qatystylyǵy tekserilýde.
