Astanada kólik urlamaq bolǵan azamat oqıǵa ornynda qolǵa tústi
ASTANA. 26 naýryz. QazAqparat - Astanalyq jol polıtsııasy qyzmetkerleri kólik urlyǵynyń aldyn aldy.
Astana qalalyq Іshki ister departamenti Jol polıtsııasy basqarmasynyń baspasóz qyzmetinen málim etkendeı, oqıǵa keshe, 25 naýryz kúni boldy.
Qarasaı batyr kóshesiniń boıynda ornalasqan № 36 mekteptiń janynda, belgisiz bireý qara tústi «Mercedes-Benz» kóliginiń esigin buzǵaly jatqandyǵy jóninde habar Jedel basqarý ortalyǵyna túngi saǵat bir jarym shamasynda kelip tústi. Polıtsııa qyzmetkerleri oqıǵa ornyna jetkende kúdikti «Mercedes-Benz» kóliginiń ishinde otyrǵan. Ol kóliktiń júrgizýshi otyratyn jaǵyndaǵy artqy terezesin syndyrǵan. Tekserý kezinde 1988 jyly týǵan azamattyń bul kólikke qatysty eshqandaı qujattarynyń joq ekendigi málim boldy. ıAǵnı, «Mercedes-Benz» ózgeniń kóligi bolyp shyqty. Oqıǵanyń mán-jaıyn anyqtaý maqsatynda kúdikti «Saryarqa» aýdandyq ishki ister basqarmasyna jetkizildi.
