Astanada kólik tonaǵanyn ózi vıdeoǵa túsirgen ury ustaldy
ASTANA. QazAqparat - Astanada polıtsııa bir túnde 5 kólikti tonaǵan jigitti ustady, dep habarlaıdy QazAqparat qala ákimdiginiń saıtyna silteme jasap.
Qalalyq ІІD qyzmetkerleri Aqmola oblysynyń 28 jastaǵy turǵynyn qylmys ústinde qolǵa túsirgen. Ol 9 qyrkúıekte túnde 5 avtokólikti tonaǵan. Krımınaldyq polıtsııa qyzmetkerleriniń aqparaty boıynsha, kúdikti bir stsenarıı boıynsha áreket etken.
«Ol kólikterdiń esik qulpyn ashyp salonǵa engen. Ol kólikten avtomagnıtola, kólik ıesiniń jeke zattary men basqa da múlikterdi jymqyrǵan. Barlyq urlyq túngi saǵat 2 men tańǵy saǵat 5 aralyǵynda jasalǵan. Tonaýshy urlyq jasaýmen birge óz urlyǵyn beınetaspaǵa jazǵan. Polıtsııa qyzmetkerleri tárkilegen beınetaspaǵa qaraǵanda kólik tonaý ózine lázzat syılaıtyn sııaqty. Kólik tonaýdan bólek, ol kólik ishindegi zattardy syndyrǵan», delingen habarlamada.
10 qyrkúıekte kúdikti qolǵa tústi. Onyń qylmysy beınetaspaǵa túsip qalǵan. Kúdiktiniń budan buryn da osyndaı qylmysqa baılanysty jaýapqa tartylǵany anyqtaldy. Tergeý barysynda ol sol túni 5 kólikti tonaǵanyn tolyq moıyndaǵan. Tonalǵan zattar kólik ıelerine qaıtaryldy.
Qazirgi ýaqytta ustalǵan jigit ýaqytsha ustaý ızolıatorynda qamaýda otyr. Polıtsııa onyń buryn jasalǵan urlyqtarǵa qatysy bary-joqtyǵyn tekserýde.
