Astanada kólik tizgininde otyryp telefonmen sóılesken 64 avtobýs júrgizýshisine aıyppul salyndy
ASTANA. QazAqparat - Astana qalalyq ІІD Jergilikti polıtsııa qyzmeti qańtardyń 26-28 aralyǵynda «Avtobýs» jedel aldyn alý sharasyn ótkizdi, dep habarlaıdy qala ákimdiginiń saıty.
Shara joldaǵy apattylyq deńgeıin tómendetý, júrgizýshilerdiń kólik júrgizý tártibin nyǵaıtý jáne jol qozǵalysyn baqylaýdy kúsheıtýge baǵyttaldy.
«Úsh kún boıy tártip saqshylary qalalyq avtobýstardyń baǵdarǵa shyǵar aldyndaǵy tehnıkalyq jaǵdaıyn, júrgizýshilerdiń tirkeý qujattarynyń bar-joǵyn, medıtsınalyq tekserýden jáne tehnıkalyq baqylaýdan ótken-ótpegenin tekserdi. Shara barysynda avtobýstardy normatıvter men standarttardy buza otyryp basqarý jáne paıdalaný, kólik quraldaryn zańsyz qaıta jabdyqtaý derekteri anyqtaldy», delingen habarlamada.
Sharanyń qorytyndysy boıynsha polıtsııa qyzmetkerleri jol júrý erejesin buzýdyń 500-ge jýyq oqıǵasyn tirkedi, sonyń 53-i manevrleý erejelerin buzý jáne 4 derek qozǵalys barysynda jaıaý júrginshilerge jol bermeý oqıǵalary boldy. Nátıjesinde avtobýs parkteriniń 12 laýazymdy tulǵasy ákimshilik jaýapkershilikke tartyldy, 16 avtobýsty paıdalanýǵa tyıym salyndy. Avtobýs basqaryp kele jatyp uıaly telefonmen sóıleskeni úshin 64 júrgizýshige aıyppul salyndy.
