Astanada kólik sany 6% ulǵaıdy
ASTANA. QazAqparat - Kún saıyn Astanada 60 myń birlikti quraıtyn kólik aǵyny qatynaıdy. Astana qalasy Іshki ister departamentiniń habarlaýynsha, 2014 jyldyń basynan bastap tirkelgen kólikter sany 290 552 birlikti, 2013 jyly - 271 165 birlikti qurady, bul 19 387 birlikke artyq nemese 6% ulǵaıǵan, dep habarlady astana.gov.kz.
Jol patrýldik polıtsııa qyzmetkerleri jol qozǵalysyn baqylaý barysynda jol qozǵalysyna qatysýshylardyń tártibin arttyrý jáne apattylyqtyń aldyn alý maqsatynda jol-kólik apattarynyń týyndaýyna ákeletin JQE apatty-qaýipti buzýshylyqtardy, sonyń ishinde, jyldamdyqty arttyrý, qaýipsizdik beldikterin taqpaý, qarsy betke shyǵý, kólikti mas kúıde basqarý jaǵdaılaryn anyqtaýǵa basa nazar aýdarady.
Mereke kúnderi qalalyq ІІD jol-patrýldik polıtsııa qyzmetkerleri jol qozǵalysy qaýipsizdigi salasynda 900 jýyq ákimshilik quqyq buzýshylyqty anyqtady.
