Astanada kólik salasynyń 607 mamany arnaıy ortalyqta oqytyldy
ASTANA. QazAqparat - Astanada qaladaǵy 8 kólik kásiporynynyń 607 mamany biliktiligin arttyrý men oqý kýrstarynan ótti. Bul týraly Kólik mamandarynyń biliktiligin arttyrý ortalyǵynda málimdedi, dep habarlady Astana qalasy ákimi apparatynyń baspasóz qyzmetinen.
«Bizdiń ortalyqta segiz kólik kásiporynynyń 607 mamany oqytyldy. Onyń 353-i avtobýs júrgizýshileri, 254-i kondýktorlar. Mamandar negizgi oqý bólimin támamdady, endi kýrs tolyq aıaqtalǵan soń, kelesi deńgeıdegi baǵdarlamany meńgeretin bolady. Tájirıbelik saǵattar arnaıy jabdyqtalǵan bólmelerde kompıýterde ótkiziledi. Tapsyrmaǵa test, esepter, jol qozǵalysy erejeleri jáne t.b. engizilgen», dep málimdedi ortalyqta. Esterińizge sala keteıik, halyqaralyq standarttarǵa saı oqytatyn jańa tehnologııalyq kabınettermen jabdyqtalǵan Astanadaǵy kólik mamandarynyń biliktiligi ortalyǵy bıyl mamyr aıynda ashylǵan bolatyn. Qazirgi ýaqytta ortalyq respýblıkamyzda balamasy joq ortalyq retinde belgili. Mundaqoǵamdyq kólik júrgizýshileri qajetti bilimdi tolyq meńgere alady.
