Astanada kólik pen garajdyń shatyry órtendi
ASTANA. QazAqparat - Astanada garajdyń shatyry men kólik órtendi, dep habarlaıdy QazAqparat.
«Búgin saǵat 13-58-der shamasynda órt sóndirý qyzmetine Astanadaǵy Almaty aýdanynda, Sarqan kóshesi 35-shi úıdiń aýmaǵyndaǵy garajdyń shatyry men Aýdı markili kóligi órtengendigi týraly habar kelip tústi»,-dep habarlady QR ІІM Tótenshe jaǵdaılar komıtetiniń resmı ókili Rýslan Imanqulov.
Onyń sózinshe, jalyn sharpyǵan aýmaq 60 sharshy metrdi qurady. Órt saǵat 14-23-ter shamasynda aýyzdyqtaldy.
«Mert bolǵandar men zardap shekkender joq. Órtti sóndirýge Astana qalalyq órt sóndirý qyzmetiniń jeke quramynan 25 adam men 5 tehnıka jumyldyryldy»,-dep naqtylady Rýslan Imanqulov.
