Astanada kólik LRT baǵanyna soǵylyp, júrgizýshi mert boldy

ASTANA. QazAqparat – Astanada kólik júrgizýshisi beton baǵanǵa soǵylyp, qaza boldy, dep habarlaıdy QazAqparat Polıtsııa departamentine silteme jasap.

«29 maýsym kúni saǵat 06.04 shamasynda «Chevrolet Malibu» kóligi Syǵanaq kóshesimen Sh.Qaldaıaqov kóshesine qaraı kele jatyp, «Arys» kópirinde rýlge ıe bola almaı qaldy. Saldarynan beton baǵanǵa soǵyldy.

43 jastaǵy júrgizýshi alǵan dene jaraqattarynan oqıǵa ornynda kóz jumdy.

Atalǵan fakti boıynsha sotqa deıingi tergeý bastaldy. Qajetti saraptamalar taǵaıyndaldy», - delingen PD málimetinde.