Astanada kólik kópirleriniń astymen ótetin jaıaý júrginshiler kópirleri salynýda

ASTANA. QazAqparat – Astana qalasynda kólik kópirleriniń astymen ótetin jaıaý júrginshiler kópirleri salynyp jatyr, dep habarlaıdy QazAqparat Astana ákimdiginiń Telegram-kanalyna silteme jasap.

««Amman» jáne «Abylaı han» kópirleriniń astynda Aq-bulaq arnasynyń boıyndaǵy saıabaq klasterlerin jalǵaıtyn jaıaý júrginshiler joly paıda bolady. Sol arqyly qala turǵyndary bir jaǵalaýdan ekinshisine kedergisiz óte alady.

Búginde jaıaý júrginshiler úshin jaǵdaılar jasalyp jatyr. Máselen, buǵan deıin «Alataý» sport keshenine qarsy bettegi turaqqa arnalǵan oryn jaıaý júrginshiler aımaǵyna aınaldy. Jýyrda munda butalar men úlken aǵashtar otyrǵyzylady.

Sondaı-aq Esil jaǵalaýynda aǵashtyń berik túrlerinen sport jáne oıyn alańqaılary paıda bolady.

Basty mindet – qala turǵyndaryna qolaıly orta jasaý», - delingen málimette.