Astanada kólik kartasynyń satylymy úsh esege artty
ASTANA. QazAqparat - Astanada qoǵamdyq kólik kartasynyń satylymy úsh esege artty, dep habarlaıdy QazAqparat «Astana LRT» JShS baspasóz qyzmetine silteme jasap.
Kompanııanyń habarlaýynsha, 2018 jyldyń mamyr aıynda arnaıy kassalar men RTVM-termınaldar arqyly 9 169 kólik kartasy satylǵan edi. Maýsym aıynda bul kórsetkish 31 112-ge artty. Sondaı-aq, shilde aıynyń alǵashqy aptasynda astanalyqtar 18 514 dana kólik kartasyn satyp alǵan. Ortasha eseppen, kólik kartalarynyń 60% astamy RTVM-termınaldar arqyly satylýda.
Astana LRT qalada kólik kartalary satylatyn 6 arnaıy kassa men 30 termınal bar ekendigin eske saldy. Bul oryndarda kólik kartasyn toltyrýǵa bolady. Odan bólek, Qiwi-termınaldar arqyly tólem jasaýǵa bolady. Jaqyn ýaqytta www.transcard.kz saıty jáne kaspi.kz ınternet-bankıngi arqyly onlaın-tólem júıesi qoljetimdi bolmaq.
Kassalar men termınaldardyń tolyq tizimi men mekenjaıy «Astana LRT» saıtynda kórsetilgen.
Buǵan deıin Astanadaǵy qoǵamdyq kólik jolaqysynyń 2018 jyldyń 21 shildesinen bastap qymbattaıtyny habarlanǵan edi.
