Astanada kólik qaǵyp ketken qyz bala kóz jumdy
NUR-SULTAN. QazAqparat - Elordada eki jasóspirimdi kólik qaǵyp ketti, qyz balanyń biri sol jerde kóz jumdy, dep habarlaıdy QazAqparat qalalyq PD baspasóz qyzmetiniń jetekshisi Sofıa Qylyshbekovaǵa silteme jasap.
«Jol-kólik oqıǵasy búgin saǵat 15.04-te Shákárim Qudaıberdiuly men Manas kósheleriniń qıylysynda boldy. «Sýbarý Forester» avtokóliginiń júrgizýshisi belgilenbegen jerden kósheni qıyp ótpek bolǵan eki jaıaý júrginshini qaǵyp ketken. 16 jastaǵy qyz sol jerde kóz jumdy, ekinshisi 17 jastaǵy boıjetken aýrýhanaǵa jetkizildi», - dedi Sofıa Qylyshbekova.
Osy oqıǵaǵa qatysty qazir QR Qylmystyq kodeksiniń 345-baby boıynsha sotqa deıingi tergeý júrgizilýde.
Baspasóz qyzmetiniń málimetinshe, jol apatyna qatysty qajetti saraptamalar taǵaıyndalǵan.
