Astanada kólik ekstrımin unatatyndar arasynda chempıonat ótýde
ASTANA. QazAqparat - Astana qalasynda avtosporttyń drıft túrinen Qazaqstan chempıonatynyń tórtinshi aqtyq kezeńi ótýde.
Avtosport álemindegi atalmysh sharaǵa júzdegen astanalyqtar men qala qonaqtary jınaldy. Jarysqa 29 ekıpaj qatysýda. Drıftten Qazaqstan chempıony ataǵy úshin kásipqoılar men áýesqoılar baq talastyrýda.
Astana qalasynyń avtomotosport federatsııasynyń prezıdenti Anatolıı Bondardyń aıtýynsha, negizgi talaptar - qatysýshylardyń qorǵanys kostıýmderi, kólikterdiń saqadaı daıyn bolýy. Árbir bolt óz ornynda turǵanyn, oryndyqtardyń bekitilgenin, qaýipsizdik beldikteri men órt sóndirgish quraldardyń bolýyn qadaǵalaımyz.
Bul sport túrindegi eń qıyny -burylysta kólikke ıe bolý. Bul rette, jınalǵandarǵa áser syılap, upaılarǵa ıe bolý úshin asfalt ústinde aınaldyra syrǵanaý qajet. Qatysýshylarǵa upaılar kedergilerdi durys ótkeni úshin, burylystan ótken ýaqyty men mashyǵy úshin, sondaı-aq jup bolyp júrýde mashınalardyń sınhrondyǵy men ara-qashyqtyqty saqtaı bilgeni úshin beriledi.
Eń úzdikter dıplomdar men baǵaly syılyqtar, sondaı-aq jańa razrıad alatyn bolady.
