Astanada kólik dońǵalaǵy men bólshekterin urlaǵan úsh ury ustaldy
ASTANA. QazAqparat - Elordalyq ІІD «Almaty» aýdandyq ІІB qyzmetkerleri avtomobıl dońǵalaqtary men bólshekterin urlaǵan úsh azamatty qolǵa túsirdi, dep habarlady ІІD baspasóz qyzmetinen.
Aýmaqty tekserý kezinde tártip saqshylary turǵyn úıdiń aýlasynda kúdikti adamdardy baıqaǵan. Keıin belgili bolǵandaı, úsh azamat bireýdiń kóliginiń bamperin alyp, janar-jaǵar maıyn sorǵyzyp, quıyp almaq bolǵan. Polıtsııa bólimine aparǵan soń olardyń kim ekeni anyqtaldy. Olar esh jerde jumys istemeıtin 1990 jáne 1991 jyly týǵan Aqmola jáne Qostanaı oblystarynyń azamattary bolyp shyqty. Onyń ekeýi osyndaı qylmysy úshin buryn sottalǵan eken.
Tergeý barysynda seziktilerdiń biri osyǵan deıin de aýladaǵy kóliktiń bólshekteri men dońǵalaǵyn urlaǵanyn aıtqan.
Urlanǵan zattardyń bir bóligin polıtseıler tárkiledi. Alaıda olar birazyn satyp úlgergen eken. Olardyń keltirgen shyǵyndarynyń jalpy kólemi - shamamen 200 myń teńgeni qurady.
Atalǵan fakti boıynsha QR QK 175 babyna («Urlyq») sáıkes qylmystyq is qozǵaldy.
Tergeý jalǵasýda. Olardyń ózge de osyndaı qylmystarǵa qatystyǵy anyqtalýda.
