Astanada kóligine tapansha salyp júrgen er adam ustaldy

NUR-SULTAN. QazAqparat – Elordada kóligine tapansha salyp júrgen júrgizýshi ustaldy. Bul týraly Nur-Sultan qalalyq Polıtsııa departamentinen málim etti, dep habarlaıdy QazAqparat tilshisi.

Er adam «Qylmysqa tosqaýyl» jedel-aldyn alý is-sharasyn ótkizý kezinde ustaldy.

«Polıtsııa «Lexus RX 350» markaly kólikti toqtatty. Qujattardy tekserý barysynda 28 jastaǵy júrgizýshi osy jyldyń sáýirinde mas kúıde rýlge otyrǵany úshin kólik basqarý quqyǵynan aıyrylǵany jáne jazasyn 6 aı boıy qonys-kolonııasynda ótegeni anyqtaldy. Kólikti odan ary tintý barysynda «Osa» markaly tapansha tabyldy. Sot-ballıstıkalyq saraptama nátıjesinde qarýdyń atýǵa jaramdy ekeni anyqtaldy», - dep atap ótedi departamentten.

Vedomstvo málimetinshe, atalǵan fakti boıynsha QR Qylmystyq kodeksiniń 287-baby 2-bóligimen sotqa deıingi tergeý amaldary júrgizilip jatyr. Kúdikti qamaýǵa alynǵan.