Astanada qoqysyn jınamaǵany úshin PIK pen qurylys kompanııalaryna aıyppul salyndy
ASTANA. QazAqparat - Ótken aptada Astananyń «Esil» aýdanynda qalany kóriktendirý erejeleri, sanıtarlyq jaǵdaıy jáne tazalyqpen qamtamasyz etý boıynsha 35 tártip buzýshylyq anyqtaldy, dep habarlaıdy «QazAqparat» HAA tilshisi ákim apparatynyń baspasóz qyzmetine silteme jasap.
Úsh merdiger uıym, eki bıznes sýbektisi, bir qurylys kompanııasy, páter ıeleriniń kooperatıvteri jáne 28 jeke tulǵa ákimshilik jaýapkershilikke tartyldy. Shartty aıyppul 317 660 teńgeni qurady.
«Esil» aýdany aýmaǵynyń sanıtarlyq jaǵdaıyn baqylaý aýdan ákimdigi men AІІB jergilikti polıtsııa qyzmetiniń tabıǵatty qorǵaý polıtsııa bólimshesimen birge atqaryldy.
