Astanada qoqystan sábı tabyldy
ASTANA. QazAqparat - 10 sáýir kúni shamamen tańǵy tórtter shamasynda úıine qaıtyp kele jatqan erli-zaıyptylar dalada qaraýsyz qalǵan shaqalaqqa tap bolǵan.
Astana qalalyq ІІD baspasóz qyzmetiniń habarlaýynsha, Astana «Almaty» aýdandyq ІІD-niń kezekshi bólimine kóshede jańa týǵan náreste tabylǵany jóninde habarlama túsken. Erli-zaıyptylar, qasynda taǵy bir tanysy bar tańǵa taman úıine qaıtyp kele jatqanda qoqys jáshiginen bir balanyń shyryldaǵan daýsyn estigen. Jaqyndap baryp qarasa, bireý jańa týǵan qyz balany oramalǵa oralyp, paketke salyp tastap ketken eken. Dereý kelip jetken «Jedel járdem» dárigerleri balaǵa alǵashqy medıtsınalyq kómek kórsetip, bólimshege alyp ketti. Sol jerde qyzdyń sodan shamamen 2-3 saǵat buryn ǵana týylǵany belgili boldy. Polıtsııa qyzmetkerleri bir táýlik ishinde balanyń anasyn tapty. Onyń ústinen QR QK-niń «Qaýipte qaldyrý» baby boıynsha qylmystyq is qozǵaldy.
