Astanada qoqysqa qatysty 200-den astam qurylys kompanııasyna aıyppul salyndy
ASTANA. QazAqparat - Abattandyrý erejesin buzǵan qurylys kompanııalaryna 16 mln teńgege jýyq aıyppul salyndy, dep habarlaıdy qalalyq ákimdiktiń medıa ortalyǵy .
On bir aı ishinde elordalyq polıtsııa qyzmetkerleri qala men eldi mekenderdi abattandyrý erejelerin buzǵan 225 qurylys kompanııasyn ákimshilik jaýapkershilikke tartty. Salynǵan aıyppuldardyń jalpy somasy 15,905 mln teńge boldy.
Kásiporyndarǵa aıyppuldy ýaqtyly qardy, muzdy, irgeles aýmaqtardy qoqystan tazalamaǵany úshin jáne qurylys materıaldary men qaldyqtaryn qurylys ýchaskesiniń aýmaǵynan tys jınaǵany, qorshaýynyń bolmaǵany, júk kólikterdiń dóńgelekteriniń jýylmaǵany úshin jáne t. b. saldy.
