Astanada qoqys jáshiginen náreste tabyldy
ASTANA. 23 tamyz. QazAqparat - Búgin saǵat 00:30-da Astana qalasynyń ІІD «102» jedel basqarý ortalyǵyna qala turǵynynan kóshedegi qoqys jáshikteriniń birinen polıetılen paketine oralǵan náresteniń tabylǵandyǵy jóninde habar kelip tústi.
Oqıǵa ornyna shuǵyl túrde jedel-izdestirý toby shyqty, dep habarlaıdy Astana qalasynyń ІІD baspasóz qyzmetinen.
Náresteni taýyp alǵan er adamnyń sózine qaraǵanda, ol keshke taman qoqys tastaýǵa keledi. Qoqys jáshigine jaqyndaǵan ol balanyń jylaǵan daýsyn estigen. Sodan keıin qyzyl tústi polıetılen paketine oralǵan sábıdi kóredi. Er adam balany alyp shyǵyp, úıine alyp barady. Sodan soń polıtsııa qyzmetkerleri men jedel járdem shaqyrady.
Tabylǵan náreste er bala bolyp shyqty, ony jedel túrde balalar aýrýhanasyna jiberdi.
Qazirgi kezde polıtsııa qyzmetkerleri tastandy balanyń anasyn izdestirýde.
