Astanada qoqys úıgen bazar basshylyqtaryna aıyppul salyndy
ASTANA. QazAqparat - Jyl basynan beri elordada abattandyrý erejelerin buzǵany úshin 12 bazar jaýapkershilikke tartylǵan. Aıyppuldardyń jalpy kólemi 805 980 teńgeni qurap otyr, dep habarlaıdy qalalyq ІІD baspasóz qyzmeti.
Alash tasjolynda ornalasqan bazarlardyń aýmaǵyn tekserý barysynda birqatar óreskel zańbuzýshylyqtar anyqtaldy, dep atap ótedi departament.
«Ásem» bazary (Alash tasjoly 29/2) mańynda zańsyz qoqys tógetin alań anyqtalǵan.
«Kásipkerler zań boıynsha azyq-túlik qoqystaryn arnaıy polıgonǵa aparyp tógýdiń ornyna bazar aýmaǵyna tóge bergen. Qoqys alańyn uıymdastyrǵan jáne qoqysty órtegen kásipkerge QR Ákimshilik quqyqbuzýshylyq týraly kodeksiniń 505 baby 2 bóligi boıynsha 84 840 teńge kóleminde aıyppul salyndy», - dedi ol.
Sonymen qatar «Alash» bazary men «Jaılaý» JShS mal soıý pýnktiniń aýmaǵynda qoqys tókkeni anyqtaldy. Olarǵa da atalmysh zań buzýshylyqtar boıynsha, 84 840 teńge kóleminde aıyppul salyndy.
Qazirgi ýaqytta anyqtalǵan zańbuzýshylyqtar men qoqys alańdary joıyldy, delingen ІІD taratqan habarlamada.
