Astanada qoqys salatyn konteıner janynan oqý granatasy tabyldy
ASTANA. 18 mamyr. QazAqparat - Astanada qoqys salatyn konteıner janynan oqýǵa arnalǵan granata tabyldy.
Bul týraly QR Tótenshe jaǵdaılar mınıstrliginiń baspasóz qyzmeti habarlady.
Qurylǵyny keshe keshke elorda turǵyny taýyp alǵan. «Keshe keshke saǵat 18.54-te Astana qalasynyń turǵylyqty turǵyny qoqys salatyn konteıner janynan F-1 oqý granatasyn taýyp aldy», - delingen habarlamada.
Vedomstvonyń baspasóz qyzmeti habarlap otyrǵandaı, arnaıy is-sharalar barysynda jarylǵysh zatty Astana qalasy ІІD Aýdandyq ishki ister bóliminiń qyzmetkerleri tárkiledi.
Qaýipti jaǵdaıdy joıýǵa QR TJM Astana qalasy TJD jeke quramyndaǵy 14 adamy men 2 tehnıkasy jumyldyryldy.
