Astanada kóktemgi sý tasqynyna qarsy sharalar pysyqtaldy
ASTANA. QazAqparat - Astana ákimdiginde ótken apparattyq keńeste aýdan ákimderi tasqyn sýǵa qarsy qandaı sharalar qabyldanyp jatqany týraly baıandady, dep habarlaıdy Astana qalasy ákimdiginiń resmı saıty.
Jıyn barysynda kóterilgen málimettepge súıensek, búgingi tańda Saryarqa aýdany ortalyq kóshelerdiń jaıaý júrginshi jolyn qardan tazartqan (Saryarqa dańǵyly, Respýblıka dańǵyly, Abaı dańǵyly, Kenesary kóshesi, A. Mambetov, Omarov, Rysqulov kósheleri, Jeńis dańǵylyna deıin, Seıfýllın, Bıgeldınov kósheleri, Tilendıev d-ly, Beısekova, Kosshyǵululy, Aqan Seri kósheleri).
Sondaı-aq temir jol vokzaly, saparjaıǵa jaqyn ornalasqan kósheler, Agroqalashyq, Kóktal 1,2 turǵyn úı alaptarynyń ortalyq kósheleri, N.Tilendıev dańǵylynyń sol jaǵy qardan tazartyldy. 28 aqpanda senbilik ótkizildi, 100 stýdent zeınetkerler, múmkindigi shekteýli jandar, kópbalaly otbasylar turatyn aýlalardaǵy qardy shyǵardy.
Almaty aýdanynda 76 áleýmettik nysannan qar shyǵarý jumystary bastaldy. Búgingi kúni olardyń 65-de jumys aıaqtaldy. Qalǵan 11 nysandaǵy jumys 10 naýryzǵa deıin aıaqtalady. Sonymen qatar, qar sýyn ótkizý úshin aryq jelilerin qardan jáne muzdan tazalaý boıynsha jumystar júrgizilýde. Aryqtyń uzyndyǵy 9 420 pogon metr. Sý tasqyny kezeńinde «Almaty» aýdany boıynsha 45 sýsorǵysh kólik jumyldyrylady.
Al Baıqońyr aýdany boıynsha sý tasqynyna qarsy jedel is-sharalar júrgizilýde. Jeke sektordan qar shyǵarylyp, aryqtar men jaýyn-shashyn sýyn qabyldaıtyn káriz júıesi tazalanyp, 3000 tekshe metr úginditas pen 400 qap qum daıyndaldy (shuǵyl áreket etý maqsatynda). Búginge deıin qardyń 90 720 tekshe metri shyǵaryldy. Kópbalaly jáne áleýmettik turmysy nashar otbasylar turatyn úılerden qar shyǵarylýda. Aktsııa 15 naýryzǵa deıin jalǵasady. Sonymen qatar, sý tasqynyna qarsy jedel áreket etetin aýdandyq komıssııa shtaby quryldy. Atalmysh baǵyttaǵy jumystar jalǵasýda. Tabıǵı apat kezindegi azamattardyń qaýipsizdigi qala jáne aýdan basshylyǵynyń nazarynda.
Esil aýdanynda aýdanda sý basý qaýpi joǵary 11 oryn anaqtalǵan. Onyń qatarynda turǵyn úı alaptary da bar. Sý tasqynyn boldyrmaý maqsatynda mektepter men balabaqshalar aýlalarynan qar qala syrtyna shyǵarylýda (26 balabaqshanyń 20, al 18 mekteptiń 9-y tazartyldy). Bul baǵyttaǵy jumystar jalǵasyp jatyr. 27 arnaıy tehnıka jumyldyrylǵan. «M-1» jáne «M-2» kópirler arasynda ornalasqan nóserli kárizderdi qardan, muzdan, qoqystan tazartý jumystary aıaqtaldy.
