Astanada «Kóktem-2013» respýblıkalyq komandalyq-shtabtyq jattyǵýlar bastaldy
ASTANA. 15 naýryz. QazAqparat - Búgin Astanada kóktemgi kezeńde tasqyn sý basýdan oryn alatyn tótenshe jaǵdaılardyń aldyn alý jáne joıý taqyrybyna arnalǵan «Kóktem-2013» respýblıkalyq komandalyq-shtabtyq jattyǵýlary bastaldy.
«Shyǵysta, soltústikte jáne Qazaqstannyń ortalyǵynda kóktemgi sý tasqyndarynyń sharyqtaǵan shaǵy 20 naýryz ben 10-15 sáýirge deıingi aralyqta bolady dep kútilýde. Astanadaǵy jaǵdaı da osy ýaqyttarda tym kúrdeli bolmaq», - dedi QR Tótenshe jaǵdaılar vıtse-mınıstri Janbolat Smaıylov.
Soǵan oraı, eki kúndik jattyǵýda aýa raıynyń kúrt jylynýy kezinde yqtımal stsenarııler jasalyp, tyńǵylyqty daıyndyq taǵy bir pysyqtalmaq.
Atalmysh jattyǵýǵa ortalyq jáne jergilikti atqarýshy organdar, respýblıkalyq jáne jergilikti tótenshe jaǵdaılar qyzmetteri, oblystardyń, Astana jáne Almaty qalalarynyń tótenshe jaǵdaılardyń aldyn alý jáne joıý boıynsha komıssııasy, sonymen qatar basqa da mınıstrlikter ókilderi qatysýda.
