Astanada kóktaıǵaqtan 200-den asa adam zardap shekti
ASTANA. QazAqparat - Elordada Jańajyldyq mereke kúnderi travmatologııa bólimshesine 240 adam kómek surap keldi. Bul týraly QazAqparat Travmatologııa jáne ortopedııa ǵylymı-zertteý ınstıtýtynyń baspasóz qyzmetine silteme jasap habarlaıdy.
«2018 jyldyń 31 jeltoqsany men 2019 jyldyń 2 qańtary aralyǵynda QR Densaýlyq saqtaý mınıstrliginiń «Travmatologııa jáne ortopedııa» ǵylymı-zertteý ınstıtýty» RMK janyndaǵy travmatologııa pýnktine medıtsınalyq kómek kómek surap 240 adam júgindi. Onyń ishinde 140 adam kóshede jaraqat alǵan. Jaraqattyń basym bóligi - jaralap alý men synyq», - delingen taratylǵan málimette.
Emdeý mekemesiniń dereginshe, medıtsınalyq kómekke júgingenderdiń basym bóligi, ıaǵnı 87 adam 2 qańtar kúni kelgen. Olardyń 48-i kóktaıǵaq saldarynan jaraqat alǵan.
«Qysqy kezeńde travmatologııa pýnkt kún saıyn shamamen 70 adamǵa qyzmet kórsetedi. Qazirgi ýaqytta pýnkt shtattyq rejımde jumys istep tur», - deıdi baspasóz qyzmeti.
