Astanada kóktaıǵaq jas qyzdyń ólimine sebep boldy
ASTANA. 22 qarasha. QazAqparat - Tabıǵat astanalyq júrgizýshiler úshin jańa erejeler ornatýda.
Keshe Astanada kóktaıǵaqtyń saldarynan bir qyz mert boldy. Bul týraly «Ekspress K» gazeti «Gololed-ýbııtsa» taqyrybyndaǵy maqalada jazdy.
Qar tıelgen KamAZ qaladan áýjaıǵa shyǵatyn avtojolda rólge ıe bola almaı, qarsy baǵytqa shyǵyp ketken. Saldarynan júk kóligi djıppen soqtyǵysyp, jeńil kólik qatty soqqydan orǵa qulady. Shetel kóliginde bolǵan jolaýshy qyz oqıǵa ornynda mert boldy. KamAZ ben djıptiń júrgizýshileri - tiri.
Onymen qosa, kóktaıǵaq Pavlodar oblysynda da apattyń sebepshisi boldy, onda jol polıtsııasy ınspektory zardap shekti. KamAZ kóliginiń júrgizýshisi rólge jáne tirkemege ıe bola almaı, polıtseıdi qaǵyp ótti. Ol túrli jaraqattarmen pavlodarlyq klınıkalardyń birine jetkizildi. Jol-kólik apaty Qyzylorda-Pavlodar kúre jolynyń ýchaskesinde boldy. Jol polıtsııasy qyzmetkeri taıaǵymen júk kóliginiń júrgizýshisine toqtaý týraly belgi bergen. Biraq KamAZ-dyń 31 jastaǵy júrgizýshisi rólge ıe bola almaı, jol-patrýldik qyzmetiniń 24 jastaǵy qyzmetkerin qaǵyp túsirdi. Tergeýshiler júk kóliginiń júrgizýshisiniń qasaqana pıǵyly bolmaǵanyn jáne ol jol apaty kezinde saý bolǵanyn atap ótýde. Apattyń sebebi kóktaıǵaq bolýy múmkin.
