Astanada kóktaıǵaq saldarynan 100-den astam jol apaty boldy
ASTANA. QazAqparat - Bıyldan bastap elordanyń kommýnaldyq qyzmetteri kóktaıǵaqqa qarsy jańa reagent qoldanýǵa kiristi. Soǵan qaramastan, qalyń qar túsken alǵashqy kúni qalada kóktaıǵaqtyń saldarynan 100-den astam jol-kólik apaty boldy, dep xabarlaıdy QazAqparat tilshisi.
ІІD Ákimshilik polıtsııa ınspektory Baqytjan Altybaıdyń aıtýynsha, júzden astam jol-kólik apaty tirkelse de, adam shyǵyny bolǵan joq. Kólik júrgizýshileriniń kóbisi kóktaıǵaqta rýlge ıe bola almaı, basqa mashınalarǵa soǵylyp, kóshe qıylystary men joldarda quqyq qorǵaýshylar kelgenshe kútken. Sonyń saldarynan keptelister boldy.
«Budan bólek, Astanada jyl saıyn kólikterliń sany ósip keledi. Jylyna 25-30 myń avtokólikti tirkeýge qoıady. Jalpy, osydan alty jyl buryn kólikterdiń sany 209 myń bolǵan. Búginde tirkeýge qoıylǵan avtomobılder 343 myńǵa deıin ósip otyr. Oǵan tranzıtpen ótetin kólikterdi qosyńyz», - dedi B.Altybaı búgin Astanada ótken baspasóz máslıxatynda.
Al «Astana Tazalyq» JShS óndiristik-tehnıkalyq bólim bastyǵy Altyn Nurjýmınanyń aıtýynsha, 11 qarashadan beri kommýnaldyq qyzmet elorda joldaryndaǵy kóktaıǵaqty jańa ádispen ketirýdi qolǵa aldy.
«Biz qysqa tyńǵylyqty daıyndaldyq. Bıyl jańa pılottyq jobanyń aıasynda kóktaıǵaqqa qarsy alǵash ret Aısmelt reagentin qoldandyq. ıAǵnı joldaǵy tazalyqty saqtaý, kóktaıǵaqtan bolatyn jol apatyn azaıtý maqsatynda 11 qarashadan bastap osy ónimdi joldarǵa septik. Muny Astana turǵyndary las joldarmen júrmes úshin paıdalanyp otyrmyz. Qazirgi tańda jańa reagentti qalanyń ortalyqtaǵy kóshelerine seýip jatyrmyz», - deıdi A.Nurjumına.
