Astanada kókónis baǵasy arzandaı bastady
ASTANA. QazAqparat - Astanada kókónis arzandady, dep habarlaıdy QazAqparat Astana ákimdiginiń resmı saıtyna silteme jasap.
Saıttaǵy málimetterge qaraǵanda, Investıtsııalar jáne kásipkerlikti damytý basqarmasynyń qyzmetkerleri baǵa monıtorıngin turaqty júrgizedi.
Osyǵan qaraı ótken aımen salystyrǵanda qyryqqabattyń baǵasy 38%, kartop - 14%, pııaz - 6,3% tómendegen. Al qant baǵasy 0,4%-ǵa arzandaǵan.
«Baǵanyń tómendeýi negizinen bıylǵy ónimdi jınaýǵa tikeleı baılanysty. Mysaly, kartop, pııaz jáne qyryqqabattyń kóterme baǵasy 2 esege tómendedi», - delingen resmı aqparatta.
Vedomstvonyń aqparaty boıynsha, turaqtandyrý qorynan jyl basynan beri 300 tonna kartop, 339 tonna qant, 254 tonna kúrish, 260 tonna qaraqumyq jumsalǵan.
Budan basqa, sarapshylardyń oıynsha, qalǵan pozıtsııalar boıynsha da baǵalardyń tómendeýi tıis.
Maýsym aıynan bastap, keste boıynsha dástúrli aýyl sharýashylyq jármeńkesi júrgiziledi.
Máselen, osy kezge deıin Túrkistan jáne Qaraǵandy oblystarynyń qatysýymen 3 jármeńke ótkizilgen, onda 900 tonnadan astam ónim satylǵan. Eń aldymen, et jáne sút ónimderi jáne kókónis pen jemis kóp satyldy.
4-5 tamyz kúnderi Jambyl oblysynyń jármeńkesi ótedi.
