Astanada qoǵamdyq oryndardy lastaýshylarmen qatań kúres júrgizilýde - Prokýratýra
ASTANA. QazAqparat - Qazirgi tańda Astana qalasynda qoǵamdyq oryndardy lastaýǵa baılanysty quqyq buzýshylyqtarǵa qarsy baǵyttalǵan qatań kúres júrgizilýde.
Mundaı áreketter úshin Qazaqstan Respýblıkasy Ákimshilik quqyq buzýshylyqtar týraly kodekstiń 330 babymen ákimshilik jaýapkershilikke tartý kózdelgen. Bul týraly qalalyq prokýratýranyń baspasóz qyzmetinen habarlady.
«Usaq buzaqylyq qoǵamdyq oryndarda bylapyt sóıleý, jeke tulǵalardy qorlap tıisý, turǵynjaılardy lastaý, ortaq paıdalaný oryndaryn, saıabaqtardy, skverlerdi lastaý, onyń ishinde belgilenbegen oryndarǵa kommýnaldyq qaldyqtardy tastaý jáne qoǵamdyq tártipti jáne jeke tulǵalardyń tynyshtyǵyn buzatyn, tóńiregindegilerdi syılamaýshylyqty bildiretin basqa da osyndaı is-áreketter bolyp tabylady. Atalǵan áreketter úshin Zańmen 3-10 aılyq eseptik kórsetkish mólsherinde aıyppul salý nemese 10 táýlikke qamaýǵa alý qarastyrylǵan. Al eger atalǵan áreketterdi 1 jyldyń ishinde qaıtalap jasaıtyn bolsa, onda 15 táýlikke deıin qamaýǵa alý kózdelgen», - delingen baspasóz habarlamasynda.
