Astanada qoǵamdyq oryndardaǵy quqyq buzýshylyq deńgeıi artty - prokýratýra
ASTANA. QazAqparat - Astanada 2013 jylmen salystyrǵanda 2014 jyly qoǵamdyq oryndarda quqyq buzýshylyqtar jıyrma paıyzdan astam kórsetkishke artty.
Bul týraly búgin Astanada ótken baspasóz máslıhatynda elorda prokýratýrasy basqarmasynyń prokýrory Erlan Sársenov málim etti.
«Astanada 2013 jylmen salystyrǵanda 2014 jyly qylmystyń 0,7 paıyz deńgeıindegi birshama ósimi tirkeldi, onyń ishinde qoǵamdyq jerlerde oryn alǵan qylmystar 22 paıyzǵa ósti»,-dedi ol.
Ol bıyldyń basynan beri elimizde ákimshilik quqyq buzýshylyq týraly kodeksi kúshine engenin jáne bul qujat ózgeristerge ushyraǵandyǵyn eske salyp ótti.
Burynǵy kodekste ákimshilik quqyq buzýshylyqtar turǵysynda 11 bap bolatyn edi. Bıyl onyń bireýi, ıaǵnı esirtki zattary men prekýrsorlardy zańsyz paıdalaný qylmystyq áreketke aýystyryldy. Sonymen qatar jańa kodekste ákimshilik quqyq buzýshylyqtar úshin aıyppul aıtarlyqtaı kóterilgen.
