Astanada qoǵamdyq kóliktiń jolaqy kartasy termınaldarda ýaqytsha satylmaıdy
ASTANA. QazAqparat - Arnaıy termınaldarda avtobýsta jolaqysyn tóleıtin kólik kartalary 16-19 qarasha aralyǵynda satylmaıdy, dep habarlaıdy QazAqparat Astana LRT kompanııasyna silteme jasap.
«2018 jyldyń 16 qarashasynan bastap 19 qarashasyna deıin tehnıkalyq jumystarǵa baılanysty RTVM avtomattarynda kólik kartalary ýaqytsha satylmaıdy. Kartalardy arnaıy kassalardan satyp alýyńyzǵa bolady», delingen habarlamada.
Arnaıy kassalardyń mekenjaıy alrt.kz saıtynda kórsetilgen.
Kompanııa keltirilgen qolaısyzdyq úshin keshirim suraı otyryp, kólik kartasynyń ornyna termınaldardan «10 saparǵa» arnalǵan bir rettik qaǵaz kartalar alýǵa bolatynyn eskertedi. Bir rettik qalalyq avtobýstarǵa arnalǵan «10 sapar» qaǵaz kartasynyń quny 1 000 teńge.
Al, kólik kartalary avtomattarda 20 qarashadan bastap qaıtadan satyla bastaıdy.
Eske sala ketsek, buǵan deıin qalada kólik kartasyn toltyratyn RTVM avtomattaryna balama retinde taǵy 100 birdeı pýnkt ornatylatyny habarlanǵan bolatyn.
