Astanada qoǵamdyq kólikterde jolaqy tóleýdiń avtomattandyrylǵan júıesi enedi - I. Tasmaǵambetov
TANA. 11 qarasha. QazAqparat - Astanada qoǵamdyq kólikterde jolaqy tóleýdiń avtomattandyrylǵan júıesi enedi. Bul týraly Astana qalasynyń ákimi Imanǵalı Tasmaǵambetov óziniń jeke blogynda málim etti.
Qala basshysynyń aıtýynsha, is júzinde blogqa túsetin barlyq hattardyń 10% qalalyq jolaýshylar kóliginiń qyzmet túrlerin usyný sapasyna baılanysty bolyp keledi. Olardyń basym bóliginde júrgizýshiler men kondýktorlardyń qyzmet kórsetý mádenıetiniń tómen deńgeıi týraly sóz bolady.
«Jolaýshylar avtotasymalynyń sapasyn baqylaý úshin GPS-navıgatsııa júıesi ornatyldy, endigi kezekte jolaqy tóleýdiń avtomattandyrylǵan júıesi engizilýde» - deıdi I. Tasmaǵambetov.
Ákimniń atap ótkenindeı, aǵymdaǵy jyly 180 júrgizýshi jumystan shyǵarylyp, 500 kondýktor bilim berý ortalyǵyna qaıta daıyndalýǵa jiberildi, 59 laýazymdy tulǵaǵa aıyppul sanktsııasy salynǵan.
Ákimniń aqparaty boıynsha, sońǵy úsh jylda 250 «Gazel» shaǵyn avtobýstary bar jáne jolaýshylar avtobýs parki 70-90 paıyzǵa tozyǵy jetken 11 avtoparktan avtobýstaryn jańalap, eýro-3 standarttaryn engizýge mindetteme alǵan tek 7 avtopark qaldyryldy.
