Astanada qoǵamdyq kólikte jol aqysyn tóleýden jaltaratyndardyń sany artqan
ASTANA. QazAqparat – CTS kompanııasy Astanada qoǵamdyq kólikte jol aqysyn tóleýden jaltaratyndardyń sany artyp kele jatqanyn málim etti, dep habarlaıdy QazAqparat tilshisi.
«Jyl basynan beri qoǵamdyq kólikte jol júrý aqysyn tóleýden jaltarýdyń 82 myń faktisi tirkeldi. Onyń ishinde 15 521 jolaýshy ákimshilik jaýapkershilikke tartyldy. Bul 2021 jyldyń uqsas kezeńimen salystyrǵanda 127,5% kóp», - delingen CTS kompanııasynyń QazAqparat saýalyna joldaǵan jaýabynda.
Kompanııa málimeti boıynsha, keıingi kezde bıletsiz jolaýshylardyń sany aıtarlyqtaı artqan.
«Mysaly, A pýnktinen V pýnktine deıin júrý jolynda bir avtobýsta jol aqysyn tóleýden jaltarǵan 20 jolaýshyǵa deıin jetip jatady. Jol aqysyn tólemeý faktisi seriktestik qyzmetkerleriniń monıtorıngi kezinde ǵana belgilenedi. ıAǵnı tasymaldaý protsesin qadaǵalaý barysynda ǵana qoǵamdyq kóliktiń josyqsyz paıdalanýshylaryn anyqtaýǵa bolady», - dep jazady CTS mamandary.
