Astanada qoǵamdyq kólik júrgizýshileri tarapynan jolda júrý erejelerin buzýdyń 491 oqıǵasy tirkeldi
ASTANA. 4 qarasha. QazAqparat - Astanada «Avtobýs» jedel-aldyn alý sharasy barysynda qoǵamdyq kólik júrgizýshileri tarapynan jolda júrý erejelerin buzýdyń 491 oqıǵasy tirkeldi.
Bul týraly «QazAqparat» tilshisine Astana qalasy ІІD JPB jol jáne tehnıkalyq baqylaý bóliminiń bastyǵy Nurlan Ývaev habarlady.
«Astanada «Avtobýs» jedel-aldyn alý sharasy nátıjesinde qalada jolaýshylar tasymalymen aınalysatyn qoǵamdyq kólik júrgizýshileri tarapynan jolda júrý erejelerin buzýdyń 491 oqıǵasy tirkeldi. Sonyń ishinde kólikti basyp ozý erejelerin saqtamaýdyń - 124, jolǵa qoqys tastaý - 105, normatıvten joǵary zııandy zattardy aýaǵa taratatyn kólik quralyn paıdalanýdyń - 36 faktisi anyqtalyp otyr», - dedi N.Ývaev.
Sonymen qatar avtobýstardyń tehnıkalyq jaǵdaıyna jaýap beretin 11 laýazymdy tulǵaǵa qatysty ákimshilik quqyq buzýshylyq týraly óndiristik ister qozǵalǵan.
Qazirgi ýaqytta elordada jolaýshylar tasymalymen 9 kompanııa, 942 avtobýs aınalysady.
