Astanada qoǵamdyq kólik kestesi ózgeriske ushyrady
ASTANA. 3 qazan. QazAqparat - Aqan seri kóshesiniń turǵyndary men «Maqsat» JShS qyzmetkerleri qoǵamdyq kóliktiń qosymsha marshrýttaryn uıymdastyrý týraly birneshe ret ótinish jasap otyrǵanyna baılanysty
«Astana qalasynyń Jolaýshylar kóligi jáne avtomobıl joldary basqarmasy» MM № 130 jáne № 34 baǵdarlardyń jolyn uzartý týraly sheshim qabyldady.
Astana ákimdiginiń málimetinshe, jańa jol kestesine sáıkes № 130 baǵdary sońǵy aıaldama - «Sharyn bazarynan» bastap ekinshi shettegi Qarasaı batyr kóshesinde ornalasqan «№ 36 mektep» aıaldamasyna deıin ózgerissiz júredi de, ári qaraı - K. Baıseıitova kóshesi - Faht Ben Abdýl Azız kóshesi - Aqan seri kóshesi - Almalyq kóshesi - sońǵy aıaldama - «Tulpar» at sporty keshenine deıin barady. Keri qaıtar jolynda Qarasaı batyr kóshesiniń ornyna Konstıtýtsııa kóshesimen júredi.
№ 134 baǵdar endi «Lokomotıv qurastyrý zaýyty» aıaldamasynan bastap ındýstrıaldy parktegi «Maqsat» JShS-ǵa deıin júredi.
Atalǵan marshrýttardyń qozǵalys kestesin ózgertý shet aımaqtarǵa kórsetiletin kólik qyzmetin jaqsartý maqsatynda jasaldy.
