Astanada qoǵamdyq keńistiktiń 50 aımaǵy salynady

ASTANA. QazAqparat - Astanada jol ınfraqurylymyn damytý aıasynda 50 nysannyń qurylysy eskerilip otyr. Bul týraly búgin elordada «Astana qalasynyń kólik kesheniniń damý úrdisi» atty konferentsııada qala ákimi Áset Isekeshev.

«Aldaǵy jyly qoǵamdyq keńistiktiń 50 aımaǵy qurylysynyń baǵdarlamasyn iske qosýdy  josparlap otyrmyz. Bul baǵytta 17 saıabaq, ózen jaǵalaýlarynda qurylys jumystary júrgizilip, jaıaý júrginshiler úshin arnaıy aımaqtar ashylyp, velosıped joldarynyń qashyqtyǵyn uzartý kózdelip otyr. Sonymen qatar jaqyn arada qalada 25 joldyń, 6 kópirdiń, 19 kólik jol aıryqtary men ótpelerdiń qurylysy men qaıta salý sharalary josparda bar. Osy rette jalpy ınfraqurylymnyń 50 nysanyn qamtý eskerilgen», - dedi qala ákimi.

Konferentsııa barysynda  tuńǵysh ret ASTRA kóliktik basqarý kompanııasynyń jańa formaty tanystyrylady. Ol LTA (Land Transport Authority) - Sıngapýr, ATM (Azienda Trasporti Milanesi) - Mılan, RTA (RoadsandTransportAuthority) - Dýbaı jáne osy sekildi ózge de kompanııalardyń qyzmetine uqsas bolmaq.

Shara aıasynda 10-nan asa eldiń jetekshi sarapshylary men kólik holdıngteriniń basshylary kólik salasyndaǵy strategııalyq josparlaý qaǵıdalaryn, jeńil relsti kóliktiń qurylys tehnologııalaryn, jol aqysyn elektrondy tóleýdi engizýdiń álemdik tájirıbesin, aqyldy avtoturaqty jasaýdyń, jyljymaly quramnyń jańarýyn, oqýshylar tasymalyn jáne qalalyq taksı qyzmetiniń damýyn talqylamaq.