Astanada qoǵamdyq avtobýstar 45 mınýtqa deıin keshigýi múmkin
ASTANA. QazAqparat – Aýa-raıynyń nasharlaýyna baılanysty elordada kólik keptelisi kóbeıip, avtobýstar keshigip kelip jatyr, dep habarlaıdy QazAqparat tilshisi.
Qalanyń qoǵamdyq kóligine jaýapty City Transportation Systems kompanııasynyń habarlaýynsha, ásirese avtobýs jolaǵy joq kóshelerde avtobýs ınvervaly uzarýda.
Elorda joldarynda kommýnaldyq qyzmetter kúsheıtilgen rejımde jumys istep jatyr.
«CTS barlyq jol qozǵalysyna qatysýshylardy muqııat bolýǵa jáne baǵdarlardy aldyn ala josparlaýǵa shaqyrady. Barlyq júrgizýshilerdi jolda múmkindiginshe muqııat bolýǵa, qaýipsiz qashyqtyqty saqtaýǵa, jyldamdyq rejımin tańdaýǵa, shuǵyl tejeýdi boldyrmaýǵa shaqyramyz. Bizdiń kompanııanyń dıspetcherlik qyzmeti qaladaǵy qoǵamdyq kóliktiń qozǵalysyn onlaın rejımde baqylaıdy. Qazirgi ýaqytta dıspetcherler avtobýstardyń 45 mınýtqa deıin keshigýin eseptep otyr», - deıdi kompanııa.
