Astanada qoǵamdyq oryndarda buzaqylyq 12%-ǵa azaıdy - prokýratýra

ASTANA. KAZINFORM — Elordada bıyl tirkelgen buzaqylyq faktileri 12%-ǵa tómendedi. Qala aýmaǵynda jyl basynan beri 38 derek anyqtalyp, 24 is boıynsha tergeý aıaqtaldy. Bul týraly Astana prokýratýrasynyń ókili Saıahat Sultanov habarlady.

- Buzaqylyqtyń basym bóligin qoǵamdyq oryndarda, kóbine mas kúıdegi azamattar jasaıdy. Quqyqbuzýshylyqtardyń eleýli bóligi - toppen jasalǵan áreketter, - dedi ol Astana qalasynyń baspasóz alańynda.

Prokýrordyń aıtýynsha, buzaqylyqa qatysqan tulǵalardyń 42%-y - toppen áreket etkender. Quqyqbuzýshylardyń kópshiligi 14 pen 47 jas aralyǵyndaǵy er adamdar, onyń ishinde jumyssyzdar men buryn sottalǵandar basym.

- Qoǵamdyq tártipti buzýmen kúresý sharalary kúsheıtildi. Qala boıynsha 10 myńnan astam beınebaqylaý kamerasy ahýaldyq ortalyqqa qosylǵan. Qylmysy jıi tirkeletin ýchaskelerge qosymsha kameralar ornatylyp jatyr, - dedi Sultanov.

Statıstıkaǵa sáıkes, buzaqylyqtyń kóbi Esil jáne Almaty aýdandarynda tirkelse, Baıqońyr men Nurada kórsetkishtiń tómendeýi baıqalady.

Aıta keteıik, buǵan deıin ShQO-da qyzdar arasynda bolǵan buzaqylyq jaıly jazǵan edik.