Astanada qoǵamdyq orynda dáret syndyrǵan adam qamaýǵa alyndy

ASTANA. KAZINFORM — Astanada qoǵamdyq orynda dáret syndyrǵan adam jaýapqa tartyldy.

Astana qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty usaq buzaqylyq jasaý faktisi boıynsha (ÁQBtK-niń 434-babynyń 1-bóligi) B.-ǵa qatysty isti qarady. Іstiń mán-jaıy boıynsha, B. qoǵamdyq orynda bola tura, úlken dáret syndyryp, qoǵamǵa qurmetsizdik tanytqan. Sot otyrysynda quqyq buzýshy óz kinásin moıyndady.

«Bolǵan quqyq buzýshylyq is materıaldarymen, ákimshilik quqyq buzýshylyq týraly hattamamen, iske qatysýshylardyń túsiniktemelerimen, oqıǵa ornynan túsirilgen beınejazbamen rastalady», - dedi Astana qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotynan.

ÁQBtK-niń 434-babynyń 1-bóliginiń sanktsııasy 20 AEK mólsherinde aıyppul salýdy nemese 5-ten 15 táýlikke deıingi merzimge ákimshilik qamaqqa alý túrindegi jazany kózdeıdi.

«ÁQBtK-niń 55-babynyń 3-bóligine sáıkes sot ákimshilik jaza qoldaný kezinde jasalǵan ákimshilik quqyq buzýshylyqtyń sıpaty, kináliniń jeke basy, onyń ishinde onyń quqyq buzýshylyq jasaǵanǵa deıingi jáne odan keıingi minez-qulqyn eskeredi. Sot qaýlysymen B. ÁQBtK-niń 434-babynyń 1-bóliginde kózdelgen quqyq buzýshylyq jasaǵany úshin kináli dep tanylyp, 15 táýlikke qamaqqa alyndy», - delingen sot habarlamasynda.

Qaýly zańdy kúshine engen joq.