Astanada qoǵamdyq orynda balaǵat sóz aıtqan sportshy jazalandy
ASTANA. KAZINFORM — Qazaqstandyq sportshy qoǵamdyq is-shara kezinde balaǵat sózder aıtyp, sot sheshimimen aıyppul tóleýge mindetteldi. Bul týraly Іshki ister mınıstrliginiń baspasóz qyzmeti habarlady.
Polıtsııanyń málimetinshe, sportshy qoǵamdyq orynda ádepsiz sózder aıtyp, aınalasyndaǵylarǵa qurmetsizdik tanytyp, usaq buzaqylyq jasaǵany úshin ákimshilik jaýapqa tartyldy.
Sot sheshimimen oǵan 20 aılyq eseptik kórsetkish mólsherinde aıyppul salyndy.
Vedomstvo ókilderi qoǵamdyq tártipti buzyp, aınalasyndaǵylarǵa qurmetsizdik bildiretin kez kelgen áreket qoldanystaǵy zańnamaǵa sáıkes jaýapkershilikke ákeletinin eske saldy.
Eske salaıyq, buǵan deıin ınternette balaǵat sóz aıtqandarǵa 86 myń teńge aıyppul engiziletinin jazǵanbyz. Bul týraly Májilis depýtattarynyń saýalyna Premer-mınıstr Oljas Bektenovtiń jaýabynda aıtylǵan.
Oǵan deıin Almatyda qoǵamdyq orynda balaǵattaǵan sheteldik 10 kúnge qamalǵanyn habarlaǵanbyz.
