Astanada klassıkalyq mýzyka, djaz jáne dástúrli óner súıer qaýymdy biriktiretin erekshe kontsert ótedi
Kontsert hedlaıneri - kesh qonaǵy, pıanıst Lıýdmıla Berlınskaıa (Frantsııa). Fılarmonııanyń kontsert zaly, bastalýy saǵat 19.00.
Kesh baǵdarlamasynda Iozef Gaıdnnyń № 4 ishekti kvarteti, Antonın Dvorjaktyń fortepıano kvınteti, Aleksandr Tsfasmannyń «Always with you» kvınteti bar.
Sonymen qatar, fılarmonııa sahnasynda Arman Jaıymnyń sazsyrnaı (sazsyrnaı – halyqaralyq jáne respýblıkalyq baıqaýlardyń laýreaty Raıhan Omar), fortepıano jáne ishekti kvartetke arnalǵan kontserti, Álqýat Qazaqbaevtyń óńdeýindegi Qorqyttyń «Qońyr» jáne Ábilqaıyr Saǵymbaevtyń óńdeýindegi Yqylastyń «Jezkıik» shyǵarmalary oryndalady (qylqobyz –«Qurmet» ordeniniń ıegeri Janar Júsipova).
Ǵ.Jubanova atyndaǵy Memlekettik ishekti aspaptar kvarteti Lıýdmıla Berlınskaıamen kópten bergi shyǵarmashylyq dostyq biriktiredi, óıtkeni kvartet óziniń shyǵarmashylyq ómirbaıanynda onyń ákesi kvartet óneriniń alpaýyty, Borodın atyndaǵy kvartettiń negizin qalaýshy, RKFSR Halyq ártisi, KSRO Memlekettik syılyǵynyń laýreaty Valentın Berlınskıımen tyǵyz yntymaqtastyqta bolǵan.
14 jasynan bastap Lıýdmıla Berlınskaıa Borodın atyndaǵy kvartetpen birge óner kórsetti. Oryndaýshynyń shyǵarmashylyq taǵdyry negizinen onyń tálimgeri bolǵan uly pıanınoshy Svıatoslav Rıhtermen bolǵan kezdesý anyqtady.
LıýdmılaBerlınskaıanyń gastroldik saparlarynyń aýqymy óte keń, ol Reseıdegi, kórshiles elderdegi, Eýropadaǵy, AQSh-taǵy, Japonııadaǵy, Ońtústik Koreıadaǵy, Qytaıdaǵy bedeldi zaldarda Mstıslav Rostropovıch, ıÝrıı Bashmet, Vıktor Tretıakov jáne basqa da ártistermen birge óner kórsetken. Pol Meıer, Ivrı Gıtlıs, Jerar Kosse, Gote Kapýson, Anrı Demarket, Jan-Jak Kantorov, Alen Mene jáne basqa da sheteldik mýzykanttarmen birlesip ótkizilgen kontsertter pıanınoshy repertýarynyń keńeıýine yqpal etti.
Qazirgi ýaqytta Lıýdmıla Berlınskaıa ParıjdegiJoǵary mýzyka mektebiniń professory jáne álemniń kóptegen elderinde sheberlik sabaqtaryn ótkizedi. Ol pedagogıkalyq jáne kontserttik qyzmetimen qatar Berlinsky qaýymdastyǵyn qurdy jáne La Clé des Portes mýzykalyq festıvaliniń (Frantsııa) kórkemdik dırektory bolyp tabylady. Ǵ.Jubanova atyndaǵy Memlekettik ishekti aspaptar kvartetiniń kórkemdik jetekshisi, QR eńbek sińirgen qaıratkeri Ernar Myńtaev Lıýdmıla Berlınskaıamen áriptes bolý ıdeıasy onyństýdent kezinde jáne pıanınoshynyń tanymal ákesi Valentın Berlınskııde oqyǵan kezde týyndaǵanyn atap ótti: «Elordalyq fılarmonııadaǵy kontsert Lıýdmıla Berlınskaıamen birlesken ekinshi kontserti bolmaq. Bir kún buryn «Astana Opera» teatrynyń kameralyq zalynda klassıkalyq baǵdarlama ótti. Al 23 qarasha kúni biz kórermenderge «Klassıkadan etno-djazǵa deıin» jobasy aıasynda klassıkalyq mýzyka, djaz jáne dástúrli óner súıer qaýymdy biriktiretin erekshe kontsert usynamyz. Ujym mamyr aıynda kontserttik maýsymnyń jabylýyna oraı osyndaı kontsert ótkizip, kórermenderdiń úlken qyzyǵýshylyǵyn týdyrdy. Keń aýdıtorııaǵa baǵyttalǵan qarasha keshi mýzyka áýesqoılary úshin jaǵymdy ári erekshe mýzykalyq oqıǵaǵa aınalady dep senemin».
Ǵ. Jubanova atyndaǵy Memlekettik ishekti aspaptar kvartetiniń joǵarǵy sheberligi ártúrli halyqaralyq baıqaýlarda birneshe ret atap ótildi. Ujymnyń shyǵarmashylyq qyzmeti memleket tarapynan joǵary baǵalanǵan – ujym «Daryn» memlekettik jastar syılyǵynyń ıegeri.
Kvartet quramynda: Ernar Myńtaev (vıolonchel), Aıdar Toqtalıev (birinshi skrıpka), Alekseı Lebedev (ekinshi skrıpka), Bekzat Saılaýbaıuly (alt).
Basty foto: shutterstock.com
