Astanada QKHP atynan Prezıdenttikke kandıdat T.Syzdyqov daýys berdi
ASTANA. QazAqparat - Búgin Qazaqstan Kommýnıstik halyqtyq partııasynan Prezıdenttikke kandıdat T.Syzdyqov Astana qalasyndaǵy №32 saılaý ýchaskesinde daýys berdi. Bul týraly QKHP Respýblıkalyq saılaýaldy shtabynyń baspasóz qyzmetinen habarlady.
Daýys berýden keıin T.Syzdyqov: «...Men jańa ǵana daýysymdy berdim. Osy oraıda men saılaý úrdisi joǵary dárejede uıymdastyrylǵanyn atap ótkim keledi, saılaý ýchaskesiniń qyzmetkerleri kásibı jáne biregeı qyzmet atqarýda. Saılaýshylar belsendi qatysýda. Azamattardyń daýys berýi ashyq jáne ádil ótýi úshin barlyǵy jasalǵan», - dedi ol.
Onyń málimdeýinshe, ár qazaqstandyq óz daýysyn erkin, derbes bildire alady. Bul bizdiń qoǵamnyń demokratııalyq qundylyqtardy qoldaıtynyn bildiredi, sondaı-aq bizdiń jerimizdegi beıbitshilik pen tynyshtyqty kórsetedi.
«Osyndaı tarıhı sátte bizdiń dana halqymyz taǵy da dástúrli jáne taýsylmas negizder paıdasyna tańdaý jasaıdy degen senimdemin», - dep túıdi T.Syzdyqov.
