Astanada qyzylshamen aýyrǵandardyń 95 paıyzy vaktsınadan bas tartqan

Elordada balalar arasynda qyzylsha aýrýy keńinen tarap jatyr. Qalalyq sanıtarııa qyzmeti eskertý jasady, dep habarlaıdy Kazinform.

Astana qalasynyń memlekettik sanıtarııa qyzmetiniń málimetine sensek, 511 adamnan qyzylsha tabylǵan. 

Onyń ishinde 17,4 paıyzy — eresekter, 14 adam — 15-19 jastaǵy jasóspirimder, qalǵan 408 naýqas — 14 jasqa deıingi balalar. 

Aqparatta aıtylǵandaı, qyzylsha kóbine 4 jasqa deıingi balalar arasynda tirkelip jatyr.

Qyzylshamen aýyrǵandardyń tek 4,5 paıyzy — ekpe alǵandar. Qalǵany vaktsınadan bas tartqan.

«Ulttyq profılaktıkalyq kúntizbege sáıkes qyzylshaǵa qarsy ekpe egý jylyna 2 ret júrgiziledi. Naýqan 1-6 jastaǵy balalar arasynda ótedi. Qyzylsha — óte juqpaly aýrý. Ujymda, mektepte, mektepke deıingi uıymdar men JOO-da vaktsına almaǵandar arasynda tez taralýy múmkin», — dedi Astana qalasynyń bas memlekettik sanıtar dárigeri Sarhat Beısenova Astana qalalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, elordada qyzylshanyń taralý jaǵdaıy turaqsyz.