Astanada kitap jáne poezııa festıvali ótedi
ASTANA. QazAqparat - Astanada 4 shildede Abaı eskertkishi aldyndaǵy alańda elordanyń 18 jyldyǵyna oraı «Uly dala, ult muraty, urpaq bolashaǵy, Máńgilik el - Táýelsiz Qazaqstan!» atty kitap jáne poezııa festıvali ótedi, dep habarlady qala ákiminiń baspasóz qyzmeti.
Festıval Astana qalasynyń ákimdigi, Astana qalasynyń Mádenıet, muraǵattar jáne qujattama basqarmasymen «Nur Otan» partııasynyń Astana qalalyq fılıalynyń qoldaýymen uıymdastyrylady.
Іs-sharanyń maqsaty-mádenı dástúrlerin saqtaý jáne elordanyń mádenı saltyn damytý: jas avtorlardyń tanylǵan sóz sheberlerimen qarym qatynasyna járdemdesý, oqyrmandar men is-sharanyń qonaqtaryn jas aqyndarmen jáne óner sheberlerimen tanystyrý.
Kitap jáne poezııa festıvali retinde oılastyrylǵan buryn-sońdy bolmaǵan poetıkalyq forým belgili, sondaı-aq jas, talantty avtorlardyń poezııaǵa qyzyǵýshylyǵyn arttyrý, shyǵarmashylyqta ózin-ózi tanytý jáne jeke tulǵalyq damýdy jandandyrýǵa baǵyttalǵan.
Festıval Qazaqstan Respýblıkasynyń Táýelsizdigine 25jyl; Jambyl Jabaevtyń týǵanyna 170-jyl; saıası qaıratker Álıhan Bókeıhannyń týǵanyna 150 jyl; aqyn Muqaǵalı Maqataevtyń týǵanyna 85 jyl tolýy sııaqty mereıtoılyq sharalarǵa oraılastyrylyp otyr.
Kitap jáne poezııa merekesi dástúrli túrde uly Abaı eskertkishine gúl shoqtaryn qoıý rásimimen bastalyp, oǵan aqyn-jazýshylar Marfýǵa Aıthojına, Serik Turǵynbek, Tursyn Jurtbaı, Baqytjan Qanapııanov, Nesipbek Aıtuly, Tabyl Qulııasov, Aldan Smaıyl, "Nur Otan" partııasynyń ókilderi qatysady.
